ها الايامات اللي تعدات شفنا لعجب و تبركالله وليداتنا ما قصروش كسفوا كيما تكسف الشمس شوية اخر ما تقعد كان النساوين و الرجال لكبار تحوس في البلاد
و كيف العادة بدا التكنبيس التونسي يخدم و كل واحد يشوفلو في سوليسون باش يفصع و ما يعديش عامو الي جبد فليساتو مالبانكة و قالك بر تو انمشي حويجة تو نمنع و اللي مشا دبر شهادة من عند عمدة حومتهم الي هوما زوالية و اللي هو الوحيد مسيكن اللي يصرف على دارهم و بطبيعة حكاية مالحيط و ما فماش منها و الي قال ايا ما صار شي نعمل تعينات فردية تجيني في طرف فلوس ربي يخلف
اما اكا القارين لقاو فكرة ما خير اللي هاذا مشا زعمة باش يقدم في ماستير اهاوكة زعمة زعمة يقرا
لا و الله تبركالله عليكم في التكنبيس ما يقدكم حد اما وين ماشين بهالمونتاليتي تي الرجال بكري كانو يمشيو بساقيهم يعديو عامهم انا وحدة مالناس الوالد عامل تصويرتو متاع الجيش في كواترو
بكري الراجل كان راجل و كان يفهم اش معناها واجب وطني و شوفوهم اللي عداو عامهم الكل شني تعلموا و شنية تبدل في حياتهم
اما نحنا الله غالب علينا جيل مدلل جيل سملة على ولدي يا حسرة عالرجولية ابار سا براو يهديكم عديو عامكم راكم جبتونا العار
بنت تونس
و كيف العادة بدا التكنبيس التونسي يخدم و كل واحد يشوفلو في سوليسون باش يفصع و ما يعديش عامو الي جبد فليساتو مالبانكة و قالك بر تو انمشي حويجة تو نمنع و اللي مشا دبر شهادة من عند عمدة حومتهم الي هوما زوالية و اللي هو الوحيد مسيكن اللي يصرف على دارهم و بطبيعة حكاية مالحيط و ما فماش منها و الي قال ايا ما صار شي نعمل تعينات فردية تجيني في طرف فلوس ربي يخلف
اما اكا القارين لقاو فكرة ما خير اللي هاذا مشا زعمة باش يقدم في ماستير اهاوكة زعمة زعمة يقرا
لا و الله تبركالله عليكم في التكنبيس ما يقدكم حد اما وين ماشين بهالمونتاليتي تي الرجال بكري كانو يمشيو بساقيهم يعديو عامهم انا وحدة مالناس الوالد عامل تصويرتو متاع الجيش في كواترو
بكري الراجل كان راجل و كان يفهم اش معناها واجب وطني و شوفوهم اللي عداو عامهم الكل شني تعلموا و شنية تبدل في حياتهم
اما نحنا الله غالب علينا جيل مدلل جيل سملة على ولدي يا حسرة عالرجولية ابار سا براو يهديكم عديو عامكم راكم جبتونا العار
بنت تونس
